ဝေ​ဒ​နာ​မ​ဟုတ်​တဲ့​အ​ထီး​ကျန်​ခြင်း

​

အ​ထီး​ကျန်​ခြင်း ​ဆိုတ့ဲ ​စိတ်​ခံ​စား​မှု​မျိုး​ကို ​လူ​သား​တိုင်း ​ဘ၀​မှာ ​တစ်​ချိန်​ချိန်​မှာ​ကြုံတွေ့​​ခံ​စား​ကြ ​ရ​ပါ​တယ်။ ​သား၊ သ​မီး​တေွ ​အိမ်​ထောင်​ခွဲ​သွား​လို့ ​တစ်​ယောက်​တည်း​ကျန်​ရစ်​ခဲ့​တဲ့​အ​ခါ​မျိုး ၊ ​ချစ်​သူ​နဲ့​ကွေ​ကွင်း​ရ​လို့ ​အ​ထီး​ကျန်​လွမ်း​ဆွတ်​ရ​တာ​မျိုး ၊ ​တစ်​နယ်​တစ်​ကျေးကို ​ပ​ညာ​ရှာ​ဖို့​ပဲ​ဖြစ်​ဖြစ်၊ ​အ​လုပ်​တာ​ဝန်​နဲ့​ပဲ​ဖြစ်​ဖြစ်​လာ​ရောက်​စ​မှာ ​မိ​သား​စု​နဲ့​ဝေး​လို့ ​အ​ထီး​ကျန်​သိမ်​ငယ်​မှု​မျိုး ၊ ​ကျောင်းပြောင်းလာ​ကာ​စ ​ကျောင်း​အ​သစ်​မှာ ​သူ​ငယ်​ချင်း​အ​သစ်​တွေမ​ရ​သေး​ခင် ​ကျောင်းအ​ဟောင်း​က ​သူ​ငယ်​ချင်း​တွေကို ​လွမ်း​ဆွတ်​ကာ ​အ​ထီး​ကျန်​သ​ဖွယ်​ခံ​စား​နေရတာ​မျိုး တွေ​တစ်​ချိန်​ချိန်​မှာ ​ကြုံ​တွေ့ရ​တတ်​ပါ​တယ်။ ​ဒ​ဿ​နိ​က​ဗ​ဒေ​ပ​ညာ​ရှင်​များ​ရဲ့ ​အ​ဆို​အ​ရ ​အ​ထီး​ကျန်​ခြင်း​ဆို​တာ​ဟာ ​အ​ကောင်း​လည်း​မ​ဟုတ် ၊ ​အ​ဆိုး​လည်း​မ​ဟုတ်​ပါ​ဘူး။ ​အ​ထီး​ကျန်​မှု​ဟာ ​စိတ်​လှုပ်​ရှား​ဖွယ်​ကောင်း​ပြီး ​မိ​မိ​ကိုယ်​မိ​မိ ​သိ​မြင်​လာ​တယ်​လို့ ​ဆို​ကြ​ပါ​တယ်။ ​အ​ထီး​ကျန်​ခြင်း​စိတ်​ခံ​စား​ချက်​ဟာ ​နာ​ကြင်​ခြင်း ​ဝေ​ဒ​နာ​မျိုး ​မ​ဟုတ်​ဘဲ ​အ​ထီး​ကျန်​မှု​က​နေပြီး ​အ​ကျိုး​အ​မြတ်​တွေရ​လာ​နိုင်​ပါ​တယ်။

 ​
အ​ထီး​ကျန်​ခြင်း​ဟာ ​လူ​သား​ဘ၀​ရဲ့ ​တစ်​စိတ်​တစ်​ဒေသလို့ ​အ​တွေးအ​ခေါ်​ပ​ညာ​ရှင်​တွေ​က ​ဆို​ကြ​ပါ​တယ်။ ​လူ​သား​တစ်​ယောက်​ဖြစ်​နေခြင်း​ကြောင့်​အ​ထီး​ကျန်​ဖို့​လို​အပ်​ပါ​တယ်။ ​ဒါပေမဲ့ ​ဘယ်​လို​ဘ၀​အ​စိတ်​အ​ပိုင်း​မျိုး​ကို​ရည်​ညွှန်း​တယ်​ဆို​တာ ​ကို ​ရှင်း​လင်း​ဖို့​တော့ ​လို​အပ်​ပါ​လိမ့်​မယ်။ ​ဒီ​အ​တွေးအ​ခေါ်​ဟာ ​အ​နောက်​တိုင်း​အ​တွေးအ​ခေါ်​ဖြစ်​ပြီး ​အ​ရှေ့တိုင်းအတွေးအခေါ်နဲ့ ​ခြား​နား​ပါ​တယ်။ ​လူ​သား​ဘ၀ ​ကို ​ရှု​ထောင့်​အ​မျိုး​မျိုး​က​နေ ​ရှု​မြင်​ကြ​တဲ့​အ​တွက် ​အ​နောက်​တိုင်း​အ​တွေးအ​ခေါ်​ရော ​အ​ရှေ့​တိုင်း​အ​တွေး​အ​ခေါ်​ပါ ​နှစ်​မျိုး​စ​လုံး​မ​မှား​ကြ​ဘဲ ​သူ့​အ​ကြာင်း​ပြ​ချက်​နဲ့ ​သူ​မှန်​ကန်​နေကြ​ပါ​တယ်။ ​

အ​နောက်​တိုင်း​အ​တွေးအ​ခေါ်​က ​လူ​သား​တစ်​ဦး​ဟာ ​သူ​ကိုယ်​ပိုင် ​အ​တ္တ (​ego) ​နဲ့​ဖွဲ့​စည်း​ထား​တယ်​လို့ ​ဆို​ပါ​တယ်။ ​လူ​သား​တစ်​ဦး​စီ​မှာ​ရှိ​န​ကြေ​တဲ့ ​သူ​ကိုယ်​ပိုင် ​အ​တ္တ​ဟာ ​သူ​တစ်​ပါး​ရဲ့ ​အ​တ္တ​နဲ့ ​မ​တူ​ဘဲ ​သူ့​ဘာ​သာ ​တစ်​မူ​စီ​ရှိ​န​ကြေ​တဲ့​အ​တွက် ​မိ​မိ​မ​ဟုတ်​တဲ့ ​အ​ခြား​သူ​တစ်​ယောက်​ကို ​အ​ပြည့်​အ၀​နား​လည်​ဖို့​ဆို​တာ ​မ​လွယ်​ကူ​လှ​ပါ​ဘူး။ ​လူ​တစ်​ဦး​နဲ့ ​တစ်​ဦး ​အ​တ္တ ​ချင်း ၊ ​စိတ်​ချင်း ​မ​တူ​ညီ​ဘဲ​ကွဲ​ပြား​ခြား​နား​တဲ့​အ​တွက် ​လူ​တစ်​ယောက်​နဲ့ ​တစ်​ယောက်​က​လည်း​မ​တူ​ညီ​ခြင်း​ဖြစ်​ပါ​တယ်။ ​အ​ရှေ့တိုင်း​ဘာ​သာ​ရေး​အ​တွေးအ​ခေါ်​ပ​ညာ​ရှင်​တွေ​က​တော့ ​လူ​သား​ဟာ ​အ​တ္တ​တစ်​ခု​တည်း​နဲ့ ​ဖွဲ့​စည်း​ထား​ခြင်း​မ​ဟုတ်​ဘဲ ​ဝိ​ဉာဉ် ( spirit or soul ) ​လို့​ခေါ်​တဲ့​နောက်​အ​ရာ​တစ်​ခု​နဲ့ ​ဖွဲ့​စည်း​ထား​သေး​တယ်​လို့ ​ဆို​ပါ​တယ်။ ​ဒီ​နေရာမှာ ​ဝိ​ဉာဉ်  ​ဟာ​အ​ဆုံး​အ​စ​မ​ရှိ​ဘဲ​ဘ၀​အ​သွင် ​သ​ဏ္ဍာန်​အား​လုံး​နဲ့​ဆက်​နွယ်​နေပါတယ်။ ​ဒီ​ဝိ​ဉာဉ်​သ​ဘာ၀​က​န​ပြေီး​တော့​မှ ​အ​တ္တ​ဖြစ်​ပေါ်​လာ​ပါ​တယ်။ ​လူ့​ဝိ​ဉာဉ်ကြောင့်

​အ​ထီး​ကျန်​ခြင်း​ခံ​စား​ရ​တာ​မျိုး​မ​ဟုတ်​ဘဲ ​လူ့​အ​တ္တကြောင့်​သာ​လျှင် ​အ​ထီး​ကျန်​ခြင်း​ကို ​ခံ​စား​ရ​ခြင်း​ဖြစ်​တယ် ​လို့ ​ဆို​ပါ​တယ်။ ​

ဘ၀​မှာ ​အ​ပြောင်းအ​လဲ​နဲ့ ​ဝမ်း​နည်းကြေ​ကွဲ​မှု ​တို့ ​က ​အ​ထီး​ကျန်​ခြင်း​ကို​ဖြစ်​ပေါ်​ခံ​စား​ရ​စေပါတယ်။ ​မိ​မိ ​ကိုယ်​ပိုင်​ဆုံး​ဖြတ်​ချက်​ကြောင့်သာလျှင် အ​ထီး​ကျန်​မှု​ဟာ​ဖြစ်​ပေါ်​လာ​ပါ​တယ်။ ဆိုလိုတာက မိမိစိတ်နဲ့မိမိ အထီးကျန်ခြင်းကို ခံစားနေရတာဖြစ်ပါတယ်။ ​မိ​သား​စု​ဝင်​များ ၊ ​မိတ်​ဆွေများ ​ရဲ့ ​ကိုယ်​ချင်း​စာ​နာ​မှု ​နဲ့ ​ဂ​ရု​ဏာ​တ​ရား​တို့ ​ဘယ်​လောက်​ပင်​ကြီး​မား​စေ​ဦး​တော့​နောက်​ဆုံး​မှာ ​မိ​မိ​ကိုယ်​ပိုင်​ခံ​စား​ချက်​က​သာ​လျှင်​မိ​မိ​ကို​ပိုင်​စိုး​သွား​ပါ​တယ်။ ​ဘ၀​မှာ​အ​ပြောင်း​အ​လဲ ​နဲ့ ​စပ်​ကူး​မတ်​ကူး​ကာ​မျိုး​မှာ ​အ​ထီး​ကျန်​မှု​ကို​ခံ​စား​ရ​ပါ​တယ်။ ​ထို​အ​ခါ​မျိုး​မှာ ​အ​ဟောင်း​များ​ကို​စွန့်​ခွာ​ထား​ခဲ့​ပြီး ​အ​သစ်​တ​ဖန်​ပြန်​လည်​စ​တင်​ဖို့ ​ဦး​တည်​ရာ​လမ်း​ကြောင်း​ကို​ရွေး​ချယ်​ရ​ပါ​တယ်။ ​ဒီ​န​ရော​မှာ ​ပြောင်းလဲ​ခြင်း​ဆို​တာ ​အ​လုပ်​အ​ကိုင်​ပြောင်းလဲ​ခြင်း ၊ ​စိတ်​နေသဘောထားပြောင်း​လဲ​ခြင်း ၊ ​နေရာသစ်​တစ်​ခု ​သို့​ပြောင်းရွှေ့ရခြင်း ​အား​လုံး​နဲ့ ​အ​ကျုံး​ဝင်​ပါ​တယ်။

​

လူ​မှု​ပတ်​ဝန်း​ကျင်​မှာ ​အ​ခြား​သူ​များ​နှင့်​ပေါင်း​သင်း​ဆက်​ဆံ​ရန် ​မ​စွမ်း​သာ​တဲ့​အ​ခြေအ​နေ​အ​ခါ​မျိုး​မှာ ​လူ​တို့​ဟာ ​အ​ထီး​ကျန်​မှု​ကို​ခံ​စား​ရ​ပါ​တယ်။ ​လူ​တစ်​ဦး​နှင့်​တစ်​ဦး ​ရှင်​သန်​ကြီး​ပြင်း​လာ​ရ​တဲ့ ​မိ​သား​စု​များ​မ​တူ​ညီ​ခြင်း​ကြောင့်မေတ္တာကို ​ရ​ရှိ​ခံ​စား​မှု​ဟာ​လည်း​မ​တူ​နိုင်​ကြ​ပါ​ဘူး။ ​မိ​သား​စု​ထဲ​မှာ ​မေတ္တာကို​လုံ​လောက်​စွာ​ မ​ရ​ရှိ​ခြင်း​ကြောင့် ​စိတ်ကျ​လာ​ပြီး ​အ​ခြား​သူ​များ​နှင့်​ခင်​မင်​ဆက်​ဆံ​ရ​မှာ​ကို​ကြောက်ရွံ့လာ​ တတ်​ကြ​ပါ​တယ်။ ​အ​ချို့​သော​သူ​များ​က​တော့ ​မိ​မိ​ကိုယ်​မိ​မိ​သာ ​ချစ်​ခင်​ခြင်း​ကြောင့် ​အ​ထီး​ကျန်​ဆန်​နေရ​ခြင်း​ဖြစ်​ပါ​တယ်။ ​မည်​သူ ​တစ်​ဦး​တစ်​ယောက်​က​မှ ​မိ​မိ​ကို ​မ​ချစ်​ကြ​ဘူး၊ ​ဂ​ရု​မ​စိုက်​ကြ​ဘူး လို့​ထင်​မြင်​နေကြတဲ့​သူ​တွေ​ပဲ​ဖြစ်​ပါ​တယ်။ ​တ​ကယ်​တော့ ​သူ​တို့​ဟာ ​အ​ခြား​သူ​များ​အ​ပေါ်​ကို​မေတ္တာကို ဘယ်​လို​ပေး​ရ​မယ် ​ဆို​တာ​ကို ​မ​သိ​ကြ​သေး​သူ​များ​ဖြစ်​ကြ​ပါ​တယ်။ ​

စိတ်​ပ​ညာ​ရှင်​များ​က ​လူ​တစ်​ဦး​သည် ​သူ့​ကိုယ်​ပိုင်​ဘ၀​တစ်​ခု​အ​တွက်​သာ​တာ​ဝန်​ရှိ​တယ် ​လို့ ​ဆို​ကြ​ပါ​တယ်။ ​မိ​မိ​ကိုယ်​တိုင်​မှ​လွဲ ​၍ ​မည်​သူ​တစ်​ဦး​တစ်​ယောက်​က​မှ ​မိ​မိ​ဘ၀​အား​လာ​ရောက်​မ​ဖန်​တီး​ပေး​နိုင်​ဟု ​ဆို​လို​ကြ​ခြင်း​ဖြစ်​ပါ​တယ်။ ​မိ​မိ​၏​အ​တ္တ ​အ​ရ ​မိ​မိ​၏​ဖြစ်​တည်​မှု​တွင်သာနေထိုင်ကြ​ခြင်း​ဖြစ်​သည်။ ​လူ​အ​များ​သည် ​မိ​မိ​တို့​၏​ဘ၀​ကို ​အ​လုပ် ၊ ​လူ​မှု​ဆက်​ဆံ​ရေး၊ ​နေ့​စဉ်​ဘ၀ ​ထဲ​မှာ​မြှုပ်​နှံ​ထား​ကြ​ပြီး ​အ​ဆင်​မ​ပြေမှု​များ​ကြုံ​တွေ့ရ​သော​အ​ခါ ​စိုး​ရိမ်​ပူ​ပန်​မှု​ကို​ခံ​စား​ကြ​ရ​သည်။ ​ထို​အ​ခါ​တွင်​မှာ ​ဘ၀ ​ဆို​သည်​မှာ ​အ​ဘယ်​နည်း ​ဆို​တဲ့​မေး​ခွန်း​မျိုး​ကို ​မိ​မိ​ကိုယ်​မိ​မိ ​ပြန်လည်​မေး​တတ်​ကြ​ပြီး ​လက်​ရှိ​ဘ၀​အ​ခြေအနေအ​ပေါ်​အာ​ရုံ​စိုက်​လာ​တတ်​ကြ​သည်။

​

အ​ချို့​အ​ထီး​ကျန်​မှု​များ​သည် ​ဟန်​ဆောင်​နေထိုင်​ရ​ခြင်း​အ​ပေါ်​တွင်​ဖြစ်​တည်​လာ​ရ​သည်။ ​လူ​မှု​ပတ်​ဝန်း​ကျင်​အ​သိုင်း​အ​ဝိုင်း ၊ ​လုပ်​ငန်း​ခွင်​အ​တွင်း​မှာ ​ဟန်​ဆောင်​နေရ​ခြင်း​များ ​ကို​ငြီး​ငွေ့လာ​ရာ​မှ ​မိ​မိ​သည် ​မည်​ကဲ့​သို့​သော​သူ​မျိုး ​ဆို​သည့် ​မိ​မိ​အ​စစ်​အ​မှန်​ကို​ရှာ​ဖွေတွေ့ရှိ​သွား​သော​အ​ခါ ​အ​ထီး​ကျန်​သ​ဖွယ်​ခံ​စား​လာ​ရ​သည်။ ​မိ​မိ​ကိုယ်​ကို ​အ​ထီး​ကျန်​နေသည်​ဟု​ခံ​စား​ရ​ခြင်း​သည် ​အ​ထီး​ကျန်​မှု​ကို ​ရင်​ဆိုင်​ရ​ခြင်း​ပ​ထ​မ​အ​ဆင့်​ပင်​ဖြစ်​သည်။ ​ထို​အ​ခါ​အ​ထီး​ကျန်​မှု​က ​သင့်​အား​ပြင်​ပ​က​မ္ဘာ​မှ​ဆွဲ​ထုတ်​ကာ ​တ​သီး​တ​ခြား​ဖြစ်​နေစေပြီး ​မိ​မိ​အ​တွင်း​စိတ်​ကို ​ဆန်း​စစ်​လေ့​လာ​မိစေပေသည်။ ​အ​ထီး​ကျန်​မှု​က ​မိ​မိ​ကိုယ်​မိ​မိ​ရှာ​ဖွေတွေ့​ရှိ​စေသည်။ ​ထို​အ​ခါ​မျိုး​တွင် ​မိ​မိ​ကိုယ်​တိုင်​သည်​သာ ​မိ​မိ​အ​တွက်​အ​ကောင်း​ဆုံး​အ​ဖော်​ဖြစ်​သည်​ကို ​တွေ့​ရှိ​ရ​ပြီး ​မိ​မိ​အ​တွင်း​စိတ်​ကို ​ပြန်​လည်​ပြု​ပြင်​ပြီး ​အ​သစ်​တ​ဖန်​ပြန်​လည်​မွေးဖွား​ရန်​အ​ကောင်း​ဆုံး​ဖြစ်​သည်။ ​အ​ထီး​ကျန်​မှု​ကို​ခံ​စား​ရ​သော​အ​ခါ ​လူ​တို့​သည် ​စိတ်​နာ​ကြင်​ခံ​စား​ရ​သည် ​ဟု​ထင်​မှတ်​ကြ​သည်။ ​အ​မှန်​စင်​စစ်​မှာ​မူ ​အ​ထီး​ကျန်​မှု​ကို​ရင်​ဆိုင်​နိုင်​စွမ်း​သ​တ္တိ ​ရှိ​လာ​ခြင်း​ဖြစ်​သည်။ ​

အ​ထီး​ကျန်​မှု​က​လူ​တို့​အား​ မေတ္တ​တ​ရား​ကို ​သင်​ကြား​ပို့​ချ​ပေး​လေသည်။ ​လူ​တို့​သည် ​အ​ထီး​ကျန်​သ​ဖွယ်​ခံ​စား​နေရသော​အ​ခါ​တွင် ​မေတ္တာ​ကို​ရှာ​ဖွေတတ်​ကြ​လေသည်။​မေတ္တ​တ​ရား​က ​ဘ၀​ကို​ရင်​ဆိုင်​နိုင်​စွမ်း​သ​တ္တိ​ကို​ပေး​စွမ်း​သည်။ ​လူ​တစ်​ဦး​သည် ​ကျယ်​ပြန့်​သော​လူ​မှု​ပတ်​ဝန်း​ကျင်​အ​သိုင်း​အ​ဝိုင်း​တွင်း​နေထိုင်နေရ​သော်​လည်း ​အ​ထီး​ကျန်​သ​ဖွယ်​ခံ​စား​န​ရ​ခြင်း​မှာ ​ရ​ရှိ​ထား​သော ​မေတ္တာတ​ရား​ပ​မာ​ဏ​ကို​မ​ကျေနပ်​မ​ရောင့်​ရဲ​နိုင်​သေး ၍

​ဖြစ်​ပေသည်။ 

​မိ​မိ​ကိုယ်​တိုင်​က ​အ​ခြား​သူ​များ​ကို ​မေတ္တာ​ပေး​ရန်​လေ့​လာ​သင်​ယူ​ပြီး ​မိ​မိ​၏​အ​တွင်း​စိတ်​ကို ​အေး​ချမ်း​နေစေရန် ​ကြိုး​စား​နေထိုင်သင့်​ပေသည်။ ​အ​မှန်​စင်​စင်​မှာ​မူ ​အ​ထီး​ကျန်​ခြင်း​ဆို​သည့် ​စိတ်​ခံ​စား​မှု​သည် ​အ​ဆိုး​အ​နေဖြင့်​လူ​တို့​က​ခံ​စား​နေရ​သော်​လည်း ​ထို​အ​ဆိုး​ထဲ​မှ ​အ​ကောင်း​ကို​ဆွဲ​ထုတ်​ယူ​ပြီး ​ဘ၀​တွင်​ နေထိုင်​ခြင်း​နည်း​လမ်း​ကောင်း ​ကို​ရှာ​ဖွေရ​မည် ​သာ​ဖြစ်​ပေသည်။ 

                                                                                                                              ဟ​န​စံ

                                                                                                               ဇွန် ၂၆ ရက်၊ ၂၀၀၆ ခုနှစ်။

Me Before You

ဒီတစ်ပတ် ပိတ်ရက်မှာ ပျိုမေတို့ ရုပ်ရှင်ကြည့်ဖို့ ကားကောင်းလေး ညွှန်းချင်တာက ၂၀၁၆ ခုနှစ်မှာ ထွက်ရှိတဲ့
ဒါရိုက်တာ - Thea Sharrock ညွှန်ကြားရိုက်ကူးပြီး သရုပ်ဆောင် - Emilia Clarke ၊ Sam Clafin ၊ Janet McTee တို့ပါဝင်သရုပ်ဆောင်ထားကြတဲ့ Me Before You ဆိုတဲ့ ကြည်နူးဆွတ်ပျံ့ဘွယ်အချစ်ရုပ်ရုင်ကားပါ။

အသက် ၂၆ နှစ်အရွယ်မိန်းကလေး Louisa Clark အဖြစ် Emilia Clarke က သရုပ်ဆောင်ထားပါတယ်။  Louisaက သူ့မိသားစုအတွက် သူ့ရဲ့ ရည်မှန်းချက်တွေ၊ သူ့ရဲ့ဆန္ဒတွေကို စွန့်လွှတ်ပြီး လက်ဖက်ရည်ဆိုင်တစ်ဆိုင်မှာ အလုပ်လုပ်ပြီး သူ့မိသားစုကို ထောက်ပံ့ပါတယ်။ သူ့မိသားစုထဲမှာ သူတစ်ယောက်သာလျှင် အလုပ်ရှိပြီး ဝင်ငွေရှိတာဖြစ်လို့ တစ်အိမ်လုံးအတွက် သူ့ရဲ့လုပ်အားကသာ မှီခိုစရာဖြစ်ပါတယ်။ Louisa တစ်ယောက် လက်ဖက်ရည်ဆိုင်ကနေ အလုပ်ပြုတ်ပြီးနောက်မှာ အလုပ်သစ်ရရှိဖို့ ကြိုးစားရှာဖွေရာကနေ မော်တော်ဆိုင်ကယ်တိုက်ခံရပြီး ကိုယ်ခန္ဓာသေသွားတဲ့ ဒုက္ခိတဖြစ်နေတဲ့ Will Traynor ( Sam Clafin ) ကိုကူညီပြုစုရတဲ့အလုပ်ကို Will ရဲ့မိခင်ဖြစ်သူ Camilla က ခန့်အပ်ခဲ့လို့ Louisa အလုပ်ရရှိခဲ့ပါတယ်။
ဒုက္ခိတဖြစ်နေလို့ အရာရာကို စိတ်တိုင်းမကျဖြစ်နေတဲ့ Will၊  အရာရာကို အကောင်းမြင်တတ်ပြီး ပျော်ပျော်နေတတ်တဲ့ စိတ်ထား ရိုးရှင်းတဲ့  Louisa၊  သူ့ရဲ့ချစ်သူ အားကစားသမား Patrick ၊  Will ရဲ့  ချစ်သူ Alicia က Will ရဲ့ အချစ်ဆုံးသူငယ်ချင်း Rupert နဲ့လက်ထပ်သွားခဲ့တဲ့ခါ....
အရာရာအခြေအနေ အချိန်အခါကိုလိုက်ပြီး ပြောင်းလဲနိုင်တယ်...ဘာကမှ အစိုးမရဘူးဆိုတဲ့ သဘောတရားနဲ့အတူ ကြည်နူးဆွတ်ပျံ့ဘွယ် သန့်ရှင်းတဲ့ချစ်ခြင်းမေတ္တာကို  Me Before You ရုပ်ရှင်ကားမှာ ဆက်လက် ရှုစားနိုင်ပါတယ်။

 

                                                                                                                             ဟနစံ

ဖယုံသီး ကြက်ဥပူတင်းပေါင်း

ဒီတစ်ပတ် ပိတ်ရက်မှာတော့ နေ့လယ် အဆာပြေစားစရာ ဖယုံသီးကြက်ဥပူတင်းပေါင်းကို ပြုလုပ်မှာ ဖြစ်ပါတယ်။ လိုအပ်တဲ့ပစ္စည်းတွေကတော့
၁။ ဖယုံသီးအသေး ၁ လုံး
၂။ ကြက်ဥ ၂ လုံး
၃။ ဆားအနည်းငယ်
၄။ နို့ဆီ လက်ဖက်ရည်ဇွန်း ၂ ဇွန်း၊ ရေ ထမင်းစားဇွန်း ၃ ဇွန်း   (သို့မဟုတ် ) နွားနို့ ထမင်းစားဇွန်း ၅ဇွန်းနှင့် သကြား လက်ဖက်ရည်ဇွန်း ၁ ဇွန်း
၅။ အိုးကြီး ၁ လုံး
၆။ ဖယုံသီးထည့်ပေါင်းရန် ခွက် ၁ ခွက်
တို့ ဖြစ်ကြပါတယ်။

ဖယုံသီးကို ထိပ်ဖြတ်ပြီး အတွင်းမှ အစေ့များကို ဖယ်ထုတ်ပါ။

ကြက်ဥ ၂ လုံးကို ပန်းကန်လုံးတစ်ခုထဲတွင် ခက်ရင်းဖြင့် ခလောက်ပြီး ဆားအနည်းငယ်၊ နို့ဆီ နှင့် ရေ ထမင်းစားဇွန်း၃ ဇွန်းထည့်ပြီး အရသာနှံ့အောင် နာနာခလောက်ပါ။ နိ့ဆီကို အသုံးမပြုလိုပါက နွားနို့နှင့် သကြားအနည်းငယ်ထည့်လို့ရပါတယ်။

ထို့နောက် ဖယုံသီးထဲသို့လောင်းထည့်ပါ။

ဖယုံသီးကို ပြန်ဖုံးပါ။

ဖယုံသီးကို အပူခံသည့် ခွက်တစ်ခုထဲတွင် ထည့်ပါ။ အိုးထဲတွင် ရေကို ခွက်၏ တစ်ဝက်ခန့်မြုပ်အောင် ထည့်ပြီး အိုးကို အဖုံးအုပ်ပြီး မီးဖိုပေါ်တွင် ဖယုံသီးကို မီးအေးအေးဖြင့် ပေါင်းပါ။

နာရီဝက်ခန့်ကြာသည့်အခါတွင် ဖယုံသီးနှင့် ကြက်ဥ ကျက် မကျက်ကို ကြည့်ပါ။ မကျက်သေးလျှင် ကျက်သည်အထိ ဆက်လက် ပေါင်းထားပါ။ ဖယုံသီးကျက်လျင် မီဖိုကိုမီးပိတ်ပြီးနောက် ဖယုံသီးကို ထုတ်ပါ။

ဖယုံသီးကို ပုံတွင်ပြထားသည့်အတိုင်း လှီးပြီးပန်းကန်ထဲထည့်ကာ နေ့လယ် အဆာပြေအတွက် လက်ဖက်ရည် ၊ ကော်ဖီ ၊ ရေနွေးကြမ်း နှစ်သက်ရာတို့ဖြင့် သုံးဆောင်နိုင်ပါသည်။

ဖယုံသီးတွင် ကယ်လိုရီအနည်းငယ်သာ ပါဝင်ပါသည်။ ဖယုံသီး ၁၀၀ ဂရမ်လျှင် ၂၆ ကယ်လိုရီသာပါဝင်ပြီး ကိုလက်စထရောကဲ့သို့ ပြည့်ဝအဆီများ မပါဝင်ပါ။ ဖယုံသီးတွင်ပါဝင်သည့် Zea-xanthin သည် အသက်ကြီးလျှင် ဖြစ်တတ်သော မျက်စိမှုန်ခြင်းမှ ကာကွယ်ပေးနိုင်ပါသည်။
ကြက်ဥတွင် ပရိုတင်းဓာတ်များစွာ ပါဝင်ပါသည်။ ကြက်ဥအကာတွင်  ဗီတာမင် B2 ၊ selenium ၊ ဗီတာမင်  D ၊ B6 ၊  B12 တို့ပါဝင်ပြီး ကြက်ဥအနှစ်တွင် ဗီတာမင် A ၊  D ၊  E ၊  K နှင့် lecithin ၊ အဆီ၊ ကိုလက်စထရောတို့ ပါဝင်ပါသည်။ တစ်နေ့လျှင် ကြက်ဥ ၂လုံးစားသုံးခြင်းဖြင့် လူ့ခန္ဓာကိုယ်အတွက် ကျန်းမာရန် လိုအပ်သည့် အဟာရဓာတ်များကို ရရှိမှာဖြစ်ပြီး အဆီ၊ ကိုလက်စထရောတို့ ရှောင်လိုသူများအတွက် တစ်နေ့လျှင် ကြက်ဥ ၂လုံးထက်ပိုမို မစားသင့်ပါ။


ကိုးကား။  ။  www.bbcgoodfood.com
                      www.nutrition-and-you.com/pumpkin.html


                                                                                                                                           
                                                                                                                              ဟနစံ

 

အပူခံပြား

ဒီတစ်ပတ် တနင်္ဂနွေပိတ်ရက်မှာတော့ ပျိုမေတို့ အိမ်မှာ ပိုနေတဲ့အဝတ်စ အတိုအစလေးတွေနဲ့ ကော်ဖီခွက် ၊ ဟင်းပန်းကန် အပူခံအောက်ခံပြားလေးတွေ လုပ်ဖြစ်ပါတယ်။ အိမ်မှာ ရှိနေတဲ့ အဝတ်စ အတိုအစလေးတွေကို အလေအလွင့်မဖြစ်စေဘဲ အသုံးလည်းဝင်၊ အလှလည်းဆင်နိုင်တဲ့ အပူခံပြားလေးတွေကို အလွယ်တကူ ပြုလုပ်နိုင်ပါတယ်။

လိုအပ်တဲ့ပစ္စည်းတွေကတော့
၁။ ပိတ်စ အတိုအစလေးများ
၂။  တွဲအပ်
၃။ အပ်ချည်
၄။ အပ်
၅။ ကတ်ကြေး
၆။ ခဲတံ
၇။ ပန်းကန်လုံး တစ်လုံး
၈။ တစ်ချောင်းထိုးအပ်
၉။ မီးပူချည် (သို့မဟုတ်) စီလွန်ချည် နှစ်သက်ရာ
တို့ ဖြစ်ပါတယ်။

ပိတ်စကို ၂ ထပ်ခေါက်ပြီး အဝိုင်းပုံရအောင် ပန်းကန်လုံးကို မှောက်တင်ပြီးနောက် ခဲတံနဲ့ တိုင်းဆွဲပါတယ်။

အဝိုင်းပုံ ညှပ်ပြီးတဲ့အခါမှာ ပိတ်စ ၂ စရဲ့ အလှဘက် ၂ ဘက်ကို ပူးထပ်ပြီး မလှဘက်ကနေ တွဲအပ်နဲ့ တွဲပါတယ်။

အဲဒီနောက် ပိတ်စ မလှဘက်ကနေ ဘေးနားအတိုင်း အဝိုင်းပုံအလိုက် ချုပ်ပါတယ်။ အကုန် အပြည့် မချုပ်လိုက်ဘဲ လက်သန်းတစ်လုံးစာလောက် အပေါက်နေရာ ချန်ထားရပါတယ်။

ခုနက မချုပ်ဘဲ ချန်းထားခဲ့တဲ့အပေါက်ကန အလှဘက် အစကို အတွင်းမှ အပြင်သို့ ဆွဲထုတ်ပါတယ်၊

ပိတ်စအလှဘက် အပြင်ကိုရောက်လာပြီဆိုရင် ခဲတံနောက်ပိုင်းနဲ့ထိုးပြီး အဝိုင်းပုံကျအောင် လုပ်ပါတယ်။ မချုပ်ဘဲ ချန်ထားခဲ့တဲ့အပေါက်လေးကို ချုပ်ပါတယ်။

အဲဒီနောက် ဘေးနားကနေ တစ်ချောင်းထိုးအပ်၊ မီးပူချည်တို့ကို အသုံးပြပြီး အနားဇာ ထိုးပါတယ်။

ဇာအနားထိုးပြီးတဲ့အခါမှာ အပူခံပြားကို မီးပူတိုက်ပြီးနောက် ကော်ဖီမတ်ခွက်၊ ဟင်းပန်းကန်လုံးတို့ အောက်ခံ အပူခံပြားတွေကို ရရှိမှာ ဖြစ်ပါတယ်။

                                                                                                                            ဟနစံ

ဝေဖန်မှုအား တုံ့ပြန်ခြင်း

ကျွန်မတို့တွေဟာ ပုထုဇဉ်တွေ ဖြစ်တာပဲမို့ အဆိုးဝေဖန်မှုတွေ၊ အပြုသဘော မဆောင်တဲ့ ဝေဖန်မှုတွေကို ကျွန်မတို့ ရရှိတဲ့အခါမှာ တုံ့ပြန်တတ်ကြပါတယ်။ ဘယ်လို အခါမျိုးမှာ ဖြစ်ဖြစ် အပြုသဘောမဆောင်တဲ့ ကိုယ့်အပေါ် ဝေဖန်မှုတွေကို ကျွန်မတို့က မနှစ်သက်တတ်ပါဘူး။ သာမန် အားဖြင့်တော့ မိမိကို အဆိုးပြောလာခဲ့လျှင် ဒေါသဖြင့် တုံ့ပြန်တတ်ကြပါတယ်။



ကျွန်မတို့က ရုတ်တရက်ဆိုတော့ ဘာလုပ်ရမယ်ဆိုတာကို မသိတဲ့အတွက် မိမိကိုယ် မိမိ ကာကွယ်ပြောဆိုကာ ဒေါသဖြစ်တတ်၊ စိတ်ဓာတ်ကျတတ်ပြီး အဆိုးဝေဖန်ပြောဆိုလာသူကို ပြန်လည် လက်စားချေ တုံ့ပြန် ပြောဆိုတတ်ကြပါတယ်။ ဒီလိုမျိုး ဖြစ်လာခဲ့မယ်ဆိုရင်တော့ ဝေဖန်သူရော၊ အဝေဖန်ခံရသူ နှစ်ဦး နှစ်ဘက်လုံးအတွက် မကောင်းလှပါဘူး။



မိမိကို အဆိုးဝေဖန်လာမှုတွေကို သံတမန်နည်းဆန်ဆန် ၊ ပညာရှိစွာ ပြန်လည် တုန့်ပြန်နည်းများကို ရွေးချယ်မယ်ဆိုရင် တုန့်ပြန်ပုံ၊ တုန့်ပြန်နည်း (၃) မျိုးရှိပါတယ်။ ကျွန်မတို့တွေက အဲဒီ နည်း (၃)သွယ်ထဲက တစ်ခုခုကို ရွေးချယ် တုံ့ပြန်ကြလေ့ရှိပါတယ်။ ဒါပေမဲ့ အခြေအနေအရ လိုအပ်လာရင်တော့ နည်းလမ်း (၃) သွယ်လုံးကို အသုံးပြုဖို့ လိုအပ်မှာ ဖြစ်ပါတယ်။



၁) အသေးစိတ်ကို မေးမြန်းပါ။



မိမိကို အဆိုးဝေဖန်လာသူကို ဝေဖန်ရခြင်း အကြောင်းရင်းကို သေချာ ရှင်းလင်းပြောပြဖို့ မေးပါ။ မေးတဲ့အခါမှာလည်း ဘယ်သူ၊ ဘာ၊ ဘယ်အချိန်၊ ဘယ်နေရာ၊ ဘာ့ကြောင့်၊ ဘယ်လို စတဲ့ ဖွင့်ထားတဲ့ မေးခွန်းမျိုးကို မေးသင့်ပါတယ်။



ပြန်လည်ဖြေကြားသူ အနေနဲ့ ဟုတ်တယ်၊ မဟုတ်ဘူး ဆိုတဲ့ အဖြေမျိုးထက် သူ့ရဲ့ ထင်မြင် ယူဆချက်ကို လွတ်လပ်စွာ ရှင်းလင်းပြောပြ ဖြေကြားနိုင်မယ့် မေးခွန်းမျိုး ဖြစ်စေဖို့နဲ့ ဖြေကြားသူကို လွတ်လပ်စွာ သူ့စိတ်ထဲရှိတဲ့အတိုင်း ဖြေနိုင်ဖို့အတွက် မေးခွန်းမေးတဲ့ အသံနေ အသံထားကလည်း အရေးကြီး ပြန်ပါတယ်။ မိမိက ဒေါသဖြင့် မေးလိုက်တာ မဟုတ်ဘူးဆိုတာကို တစ်ဘက်သားက သိစေသင့်ပါတယ်။



ကျွန်မတို့ကိုယ်တိုင်က ဝေဖန်မှုရဲ့ အတိမ် အနက် အကျယ်အဝန်းကို တိကျစွာ သိချင်တဲ့အတွက် ကျွန်မတို့ မေးလိုက်တဲ့ မေးခွန်းက ပြည့်စုံတဲ့၊ တိကျတဲ့ ရှင်းလင်း ပြောကြားချက်ကို ရရှိဖို့ ဦးတည်ရပါမယ်။ ဒါမှလည်း ဝေဖန်မှုကြောင့် ဖြစ်လာမယ့် နောက်ဆက်တွဲ ပြဿနာတွေကို မကြီးထွားစေတော့ဘဲ ကျွန်မတို့အပေါ် ဝေဖန်မှုတွေရဲ့ လက်ရှိ အနေအထားကို နားလည်သဘောပေါက်မှာ ဖြစ်ပါတယ်။



၂) ဝေဖန်သူနှင့် သဘောတူညီပါ။



ကျွန်မတို့အပေါ်ကို ဝေဖန်တဲ့ ဝေဖန်ရေးဆရာ (သို့မဟုတ်) ဝေဖန်သူများနဲ့ ဒီကိစ္စမှာ သူ့အတွေး၊ သူ့ အမြင်နဲ့ သူ့ဝေဖန်မှုတွေ ကိုက်ညီတယ် ဆိုတာကို သဘောတူညီလိုက်တာပါပဲ။



၃) ရှင်းပြပါ။



ကျွန်မတို့ရဲ့ ကိုယ်ပိုင်အတွေးအခေါ်၊ ကျွန်မတို့ရဲ့ အခြေအနေတွေကို ရှင်းပြပါ။ ဝေဖန်ရေးဆရာက အခြေအနေတွေ အားလုံးကို အသေးစိတ် သိရှိပြီး ဖြစ်ပါသလား…သူကရော ကျွန်မတို့ လုပ်သလို၊ တွေးသလို တွေးမိပြီးပါပြီလား ဆိုတာ ကျွန်မတို့ မသိနိုင်ပါဘူး။ ဒါ့ကြောင့် ကျွန်မတို့ရဲ့ လုပ်ငန်းဆောင်တာ အစီအစဉ်တွေ၊ ဘာတွေဖြစ်ပွားတယ်ဆိုတာတွေ၊ အတွေးအခေါ် အယူအဆတွေကို ဝေဖန်သူကို ရှင်းလင်းပြောပြဖို့ အခွင့်အရေးရတာ ဖြစ်တာကြောင့် ရှင်းပြပါ။ ဝေဖန်ရေးဆရာရဲ့ အဆိုးဘက်မှ ဝေဖန်လိုမှု စိတ်ကို လျော့ပေးလိုက်သလို ဖြစ်တာကြောင့် ကျွန်မတို့က ရှင်းလင်းပြောပြဖို့ လိုအပ်ပါတယ်။



ရှင်းလင်းပြောကြားတဲ့အခါမှာ ကျွန်မတို့ရဲ့ လေယူလေသိမ်း၊ လေသံဟာ တည်ငြိမ်နေသင့်ပါတယ်။ ဘာလို့လဲဆိုတော့ ကျွန်မတို့ဟာ မိမိကိုယ်မိမိ ကာကွယ်ပြောဆိုေနေပေမယ့်လည်း မိမိကိုယ် မိမိ ကာကွယ်ပြောဆိုနေခြင်း အနေအထားမျိုး မဖြစ်စေဘဲ အေးအေးသက်သာ ရှင်းလင်းပြောကြားတယ် ဆိုတာမျိုး ဖြစ်စေသင့်ပါတယ်။



ရှင်းလင်းပြောကြားနေစဉ်မှာ ကျွန်မတို့က ဘယ်လိုပြောတယ် …ကျွန်မတို့ကို သူတစ်ပါးက ဘယ်လို မြင်ရတယ် ဆိုတာ အားလုံးပါသွားရပါမယ်။ ကျွန်မတို့ရဲ့ အသံက ကျွန်မတို့ပေးလိုက်ချင်တဲ့ အကြောင်းအရာရဲ့ ၃၈% တာသွားပါတယ်။ ကျွန်မတို့ရဲ့ မျက်နှာအမူအယာ၊ မျက်လုံးချင်း ဆုံမှုတွေဟာ ၅၅ % တာသွားပါတယ်။ ဒါဆိုရင် ပြောဆိုတဲ့ စကားလုံးတွေ မပါသေးဘဲနဲ့တင်ကို ကျွန်မတို့ ရှင်းလင်းပြောဆိုမယ့် အကြောင်းအရာက ၉၃% တာသွား အောင်မြင်နေခဲ့ပြီးပါပြီ။ ကျွန်မတို့ ပြောဆိုမယ့် စကားလုံးတွေကို ရွေးချယ်သုံးစွဲလိုက်မယ်ဆိုရင် အဆိုး ဝေဖန်မှု တစ်ခုကို တည်ငြိမ်အေးဆေးစွာ၊ ပညာရှိနည်းဆန်စွာ တုံ့ပြန်နိုင်လိုက်ပါပြီ။



တကယ်တော့ ဝေဖန်ခြင်းဆိုတာဟာ ကျွန်မတို့ကို လူပုဂ္ဂိုလ်အနေနဲ့ ဖယ်ထုတ်လိုက်တာ မဟုတ်ပါဘူး။ တစ်ဘက်က ကျွန်မတို့ အပေါ် ဘယ်လိုမြင်တယ် ဆိုတာကို ကျွန်မတို့က သိရှိလိုက်ရခြင်းပါ။ အဲဒီအတွက် တစ်ဘက်က ကျွန်မတို့ကို ဘာပြောတယ်ဆိုတာ (အကြောင်းအရာ) ကိုပဲ ကျွန်မတို့က တုံ့ပြန်သင့်ပါတယ်။ ဒီထက်ပိုလို့ ကျွန်မတို့ရဲ့ အတွေးတွေနဲ့ သူတစ်ပါးအတွေးတွေက မတူရကောင်းလားဆိုကာ တုံ့ပြန်နေမယ်ဆိုရင် အကျိုးမရှိဘဲ တန်ဖိုးရှိလာတဲ့ အချိန်များကို ဖြုန်းတီးရာရောက်သလို၊ ဝေဖန်သူနဲ့ ကျွန်မတို့ အကြားက ဆက်ဆံရေးပေါင်းကူးတံတားကိုလည်း ဖျက်ဆီးရာရောက်ပါတယ်။



မလိုအပ်တာတွေအတွက် တုံ့ပြန်ဖို့ မလိုအပ်လှပါဘူး ဆိုတာ ကျွန်မတို့က သဘောပေါက်ထားမယ်ဆိုရင် ကျွန်မတို့ကို အဆိုးဝေဖန်မှုတွေ ဘယ်လောက်ပင် ကြုံစေဦးတော့ စိတ်ပေါ့ပါး ပျော်ရွှင်ကာ ဝေဖန်သူနဲ့လည်း ခင်မင်မှု ဆက်ဆံရေးတစ်ခုကို တည်ဆောက်နိုင်မယ့် အကျိုးကျေးဇူးများ ရရှိမှာဖြစ်ပါတယ်။



ကိုးကား။ ။ Dealing with Criticism , Borneo Post, Saturday, 7 March,2009.


                                                                                                           ဟနစံ
                                                                                               ၇ရက်၊ မတ်လ၊ ၂၀၀၉ ခုနှစ်။

အင်တာနက်မှ ကူးယူခြင်း၏ နောက်ဆက်တွဲ ကျင့်ဝတ်ချိုးဖောက်မှုများ

အွန်လိုင်းပေါ်မှာ စာရေးတယ်ဆိုတာက အခမဲ့ ဖြန့်ဝေခြင်းပါပဲ။ ဒီလို အခမဲ့ဖြန့်ဝေနေတဲ့အတွက် အခမဲ့ ကူူးယူခွင့်ရှိပါသလား ဆိုတဲ့ မေးခွန်းမျိုး စိတ်မှာ ဖြစ်ပေါ်လာရပါတယ်။ စာရေးတယ်ဆိုတာက မိမိရေးတဲ့စာကို ဖတ်ကြတယ်ဆိုရင် ကျွန်မတို့ရဲ့ စာရေးရခြင်း ရည်ရွယ်ချက် အောင်မြင်သွားတာပါပဲ။ ဒါထက်ပိုလို့ ကိုယ်ရေးတဲ့စာဟာ စာဖတ်သူအတွက် တစုံတရာ အကျိုးကျေးဇူး ရရှိသွားမယ်ဆိုရင် စာရေးသူရဲ့ စာရေးရခြင်း ရည်ရွယ်ချက် ပိုမိုအောင်မြင်တာပါပဲ။

မိမိရေးလိုက်တဲ့စာ၊ အခမဲ့ မျှဝေထားတဲ့စာကို သူတပါးက အခမဲ့ ကူးယူပြီး ထိုစာကို သူတစ်ပါး၏ အတွေးအခေါ် ဉာဏ်ပညာတို့ အတွက် တစုံတရာ အကျိူးရှိအောင် သုံးတယ်ဆိုရင် မည်သည့် စာရေးသူ မဆို ဝမ်းမြောက်ပျော်ရွှင်ကြမှာပါပဲ။ ဒါပေမယ့် ကျွန်မတို့က စာဖတ်သူတွေကို အခမဲ့ ဖြန့်ဝေသော်လည်း ကျွန်မတို့ရဲ့ စာမူများကို ကူးယူပြီး စာဖတ်သူများထံ အခကြေးငွေဖြင့် ဖြန့်ဖြူးရောင်းချမယ်ဆိုရင်တော့ စာရေးသူ တစ်ယောက်က ဘယ်လို ခံစားရမယ်ဆိုတာ ကျွန်မတို့ စာရေးသူ ဖန်တီးသူ အချင်းချင်း နားလည် ကိုယ်ချင်းစာနိုင်ပါတယ်။

စာတစ်ကြောင်း၊ ကဗျာတစ်စ၊ သီချင်းတစ်ပိုဒ်ကို ရေးစပ်လျှင်၊ ရေးဖွဲ့လျှင် ထိုသီချင်းတစ်ပိုဒ်၊ စာတစ်ကြောင်း၊ ကဗျာတစ်စဟာ ဖန်တီးသူ၊ ရေးစပ်သီကုံးသူရဲ့ မူပိုင် အလိုလို ဖြစ်သွားပြီးသားပါ။ မူပိုင်ခွင့် မှတ်ပုံတင်ထားသည် ဖြစ်စေ ၊ မတင်ထားသည်ဖြစ်စေ၊ စာတစ်ကြောင်းကို ရေးလိုက်တယ်ဆိုတာနဲ့ အဲဒီ စာတစ်ကြောင်းဟာ ဖန်တီးသူရဲ့ မူပိုင်ခွင့် အလိုလို ကာကွယ်ပြီးသားဖြစ်တယ်ဆိုတာကို World Intellectual Property Organization က ဆိုထားပါတယ်။

ကိုးကား။ ။ http://www.wipo.int/

အင်တာနက်ပေါ်မှာ ရေးသားတဲ့ ကိုယ်ပိုင် အတွေးအခေါ်၊ ကိုယ်ပိုင် ဖန်တီး ရေးသားမှုများကရော မူပိုင်ခွင့်ရှိပါသလားဆိုတဲ့ အမေးကို www.lawfirms.com က အောက်ပါ အတိုင်း ဖြေကြားထားပါတယ်။

Q. Are my original ideas and written works protected if they are on the internet?

 A. Yes, they are protected to a certain extent. If you want to ensure that they are safe, you should file for copyright and post that copyright notice along with those works. However, your intellectual property is still protected – even if you do not actually file for a copyright.

မူပိုင်ခွင့် မှတ်ပုံတင်ထားစရာမလိုဘဲ စာရေးသားလိုက်တာနဲ့ ကိုယ်တိုင်ဖန်တီးသူသာ မူပိုင်ဖြစ်ကြောင်းကို အလိုလို မူပိုင်ခွင့် ကာကွယ်ပြီးသား ဖြစ်ပါတယ်။ အမေး၊ အဖြေ အပြည့်အစုံကို ဒီမှာ www.lawfirms.com/resources/intellectual-property/intellectual-property-faq.htm ဖတ်ရှုနိုင်ပါတယ်။

မြန်မာနိုင်ငံမှ လူအများစု လွဲမှားစွာ ထင်မြင်နေကြတာ တစ်ခုက အင်တာနက်ပေါ်မှာ ရှိတဲ့ အရာတွေဟာ အလကား ယူလို့ ရတယ်လို့ ထင်နေတာပါပဲ။ အင်တာနက်ပေါ်မှာ တင်ထားတဲ့အရာမှန်သမျှဟာ အခကြေးငွေပေးပြီး ဖတ်စရာမလိုဘဲ ၊ အခမဲ့ ဖတ်ရှုနိုင်ခြင်းကြောင့် အလကားရယူနိုင်တယ်ဆိုတာမျိုး သဘောပိုက်ထားကြပါတယ်။ website (ဥပမာ ယခု စာရှုသူဖတ်နေသော စာများပါသော web page များစုစည်းရာ) တစ်ခုကို ရရှိဖို့ အတွက် domain (ဥပမာ www.facebook.com) ဆိုတာ အလကား မရပါဘူး။ ထို web site ကို အင်တာနက်ပေါ်မှာ တင်ထားဖို့ အတွက် hosting service ဆိုတာကိုလဲ အလကား မရရှိပါဘူး။ domain အမည်ကို ဝယ်ယူမှတ်ပုံတင်ရပါတယ်။ hosting ဝန်ဆောင်မှုကို ဝယ်ယူရပါတယ်။ ဒါဟာ website ဖန်တီးသူတွေဘက်က အခကြေးငွေပေးရခြင်းပါ။ website ကို ဖတ်ရှုသူတွေ အနေနဲ့ကတော့(အင်တာနက်လိုင်းကြေးနှင့် အချိန်မှတပါး) အခကြေးငွေ ပေးစရာမလိုတဲ့အတွက် website ပေါ်မှာ ပါဝင်တဲ့ အရာတွေဟာ အခမဲ့၊ အလကားရတယ်လို့ စေတနာကို လွဲမှားစွာ ယူဆကြပါတယ်။ domain အမည်၊ hosting နေရာ ဟာ သူ့ အလိုလို အလကား မရရှိပါဘူး။ မှတ်ပုံတင်ပြီးတော့ ဝယ်ယူမှသာလျှင် ရရှိပါတယ်။

copy and paste ဆိုတာ သိပ်ကို လွယ်ကူပါတယ်။ စက္ကန့်ပိုင်းမျှသာ ကြာတဲ့ အချိန် အခိုက်အတန့်လေးမှာ ကူးယူခြင်း ဖြစ်မြောက်နိုင်မှာပေမယ့် အဲဒီ စာများကို ရေးသား ဖန်တီးသူ ကတော့ စက္ကန့်ပိုင်းလေး အချိန်မှာ ရေးသားဖန်တီးခဲ့ခြင်း မဟုတ်ခဲ့ပါဘူး။ သူ့ရင်ထဲက ဖြစ်ပေါ်လာတဲ့ ခံစားချက်၊ သူရှာမှီးထားတဲ့ ဗဟုသုတများ၊ လေ့လာ သင်ယူထားမှုများကို စုဆောင်းထားတဲ့ အတွေးအခေါ်၊ ပညာရပ် စသည်တို့ကို စာဖတ်သူတို့က တခဏအတွင်း ကူးယူနိုင်လိုက်တာ သူ့ စေတနာပါ။ စာပေ ရေးသားသူရဲ့ မူပိုင်ခွင့် အခွင့်အရေးဆိုတာ မူလပိုင်ရှင်ရဲ့ မူပိုင်ခွင့်အခွင့်အရေးနဲ့ ထပ်တူပဲဆိုတာကို PRIVATE INTERNATIONAL LAW AND INTELLECTUAL PROPERTY RIGHTS ၊ A COMMON LAW OVERVIEW က Ownership and Commercial Dealings အပိုင်းမှာ အောက်ပါအတိုင်း ဆိုထားပါတယ်။

Accordingly, because "the essence of an intellectual property right is the owner's right to take action to prevent others from engaging in certain types of activity in a given territory,"

တပါးသူ ဖန်တီး ရေးသားထားတဲ့ စာများကို ကူးယူပြီး ပုံနှိပ်ကာ ဖော်ပြ ရောင်းချခြင်းဟာ စာနယ်ဇင်း ကျင့်ဝတ်ကို ချိုးဖောက်တာပါ။ စာနယ်ဇင်းတစ်ခုမှာ အယ်ဒီတာဟာ အရေးကြီးဆုံး ပုဂ္ဂိုလ်ဖြစ်ပါတယ်။ အယ်ဒီတာ တစ်ဦးရဲ့ တာဝန်က ကြီးမားလှပါတယ်။ စာမူတစ်ခု ရောက်လာလျှင် ထိုစာမူဟာ နိုင်ငံရေး ပတ်သက်ငြိစွန်းမှု ရှိ/မရှိ၊ အခြား နေရာများမှ ကူးယူထားခြင်း (plarigism) ရှိ/မရှိကို အယ်ဒီတာက စိစစ်ရပါတယ်။ (အခြားနေရာများမှ ကူးယူပြီး မိမိပိုင်နှင့် ဆင်တူယိုးမှားပြုလုပ်ခြင်း - plarigism - ဆိုသည်မှာ နိုင်ငံတကာ တက္ကသိုလ်များတွင် ပေးအပ်ပြီးသား ဘွဲ့ကိုပင် ပြန်သိမ်းနိုင်သည်အထိ ကြီးလေးသော စာရိတ္တရေးရာ ပြစ်မှုကြီးဖြစ်သည်။) ဘာသာပြန်ထားသော စာမူများ၊ ကိုးကားရေးသားထားသော စာမူများမှာ ကိုးကားချက်နှင့် ဘာသာပြန်ဆိုမှုကို ဝန်ခံချက်များ ပါရှိခြင်း ရှိ/မရှိကို သေချာစွာ စစ်ဆေးရပါတယ်။ အယ်ဒီတာ တစ်ဦးဟာ စာပေကို နှ့ံ့စပ်ရပါတယ်။ ဗဟုသုတ ကြွယ်ဝရပါတယ်။ တကယ်လို့များ အယ်ဒီတာတစ်ဦးဟာ သိမြင် နှ့ံ့စပ်ခြင်း မရှိဘူးဆိုလျှင် စာမူရှင်များပေးပို့တဲ့ စာမူများဟာ ကိုယ်ပိုင်ဖန်တီးမှုလား၊ ကူးချပေးပို့မှုလား၊ ဘာသာပြန်ဆိုမှုလား၊ ကိုးကားချက်လားဆိုတာ သိနိုင်မှာ မဟုတ်ပါဘူး။ အယ်ဒီတာ တစ်ဦးဟာ ယနေ့ခေတ်ပေါ် နောက်ဆုံးပေါ် ကမ္ဘာ့သတင်းတွေကို သိရပါတယ်။ စာပေကိုလည်း မိမိအကြိုက်တစ်မျိုးတည်းသာ မဟုတ်ဘဲ လိုင်းစုံအောင် လေ့လာထားရ့ပါတယ်။ ဒါမှသာ စာမူရှင်များဘက်မှ ထည့်သွင်းရေးသားခြင်းမပြုမိတဲ့ ဝန်ခံချက်များကို အယ်ဒီတာက ထည့်ပေးနိုင်ပါတယ်။

 စာမူရှင်များဘက်မှ အင်တာနက်ပေါ်ကနေ ကူးယူမှုများကို စာမူအဖြစ် ပေးပို့ခဲ့သည် ရှိသော် အယ်ဒီတာ မရွေးချယ်မီကာလမှာ စာမူရှင်၏ တာဝန်ဖြစ်သော်လည်း အယ်ဒီတာက စာမူကိုရွေးချယ်ပြီးနောက် အယ်ဒီတာ့လက်ထဲ ရောက်ရှိနေချိန်မှာ အယ်ဒီတာ၏ တာဝန်သာ ဖြစ်ပါတော့တဲ့အတွက် စာမူများကို မရွေးချယ်မီမှာ အယ်ဒီတာဟာ သေချာစွာ ဖတ်ရှု စိစစ်ရပါတယ်။ အယ်ဒီတာတစ်ဦး၏ ကျင့်ဝတ်၊ တာဝန်နှင့် အခန်းကဏ္ဍမှာ စာနယ်ဇင်းတစ်ခုရဲ့ ပင်မ အသက်ဖြစ်ပါတယ်။

အင်တာနက်ပေါ်မှာ သူတစ်ပါးရေးသား ဖန်တီးမှုများကို ကူးယူကာ ပုံနှိပ်ဖော်ပြ ရောင်းချခြင်း ၏ နောက်ဆက်တွဲများအတွက် အယ်ဒီတာမှာ များစွာတာဝန်ရှိသလို၊ ကူးယူဖော်ပြသူဟာလည်း စာရေးဆရာတစ်ဦး၏ ကျင့်ဝတ်ကို ဖောက်ဖျက်ခြင်း ဖြစ်ပြီး ပုံနှိပ်ဖော်ပြသူ စာနယ်ဇင်းမှာလည်း စာနယ်ဇင်း ကျင့်ဝတ်ကို ချိုးဖောက်ခြင်း ဖြစ်တာကြောင့် ဒီလို အင်တာနက်ပေါ်မှ ကူးယူမှုများဟာ သေးငယ်တဲ့ ကိစ္စ မဟုတ်ဘဲ ကျင့်ဝတ်များနှင့် သက်ဆိုင်သော၊ လူတစ်ဦးချင်း၏ စာရိတ္တ (morality) နှင့်သက်ဆိုင်သော အတိုင်းအတာ တစ်ခု ဖြစ်တဲ့အတွက် အလွန် အရေးကြီးပြီး ဂရုပြုရမယ့် ကိစ္စ၊ အကြောင်းအရာ တစ်ခု ဖြစ်ပါတော့တယ်။

                                                                                                                                ဟနစံ

                                                                                                ၁၂ ရက်၊ စက်တင်ဘာလ၊ ၂၀၁၀ ခုနှစ်။

ပီလောပီနံရွက်

ပီလောပီနံကို tapioca (သို့မဟုတ်) cassava လို့ခေါ်ပါတယ်။
ပီလောပီနံအရွက် ကပီလောပီနံဥထက် protein (ပရိုတင်း) ၁၀ ဆပါဝင်တယ်။ အသားမစားဘဲ ပရိုတင်း ဓာတ်အများကြီးရချင်ရင် ပီလောပီနံအရွက်ကို စားနိုင်ပါတယ်။
ပီလောပီနံအရွက်မှာ အဆိပ် အတောက် ဖြစ်စေတဲ့ Hydrocyanic Acid ပါတယ်။ ဒါပေမဲ့ ချက်လိုက်ရင် အဆိပ်ပြယ် သွားပါတယ်။  ပီလောပီနံ အရွက်ကို အနည်းဆုံး ၁၀ မိနစ်ချက်ပြုတ်ပြီးမှသာ စားသင့်ပါတယ်။ ပြုတ်ပြီး ပြုတ်ရေကို သွန်ပစ်လိုက်ရပါတယ်။  
 ပီလောပီနံအရွက်မှာ ပရိုတင်းအပြင် ကာဘိုဟိုက်ဒရိတ် (Carbohydrate) ၊ ဗီတာမင် စီ (Vitamin C) ပါတယ်။ အမျှင်ဓာတ် (Fiber)တွေပါလို့ရယ်၊ ကယ်လိုရီ (Calories) နည်းလို့ရယ် ကိုယ်အလေးချိန် လျော့ချင်တဲ့သူတွေ စားဖို့ သင့်တော်ပါတယ်။ 

     ကိုးကား။  “Health Benefits of Eating Cassava Leaves (Yuca Leaves)”by Dr.Paul Haider

                         ဟနစံ

 

            

အင်တာနက်ကြောင့် ဖြစ်သော စိတ်မူမမှန်မှုများ

 

 

 

ကမ္ဘာ အရပ်ရပ်မှာရှိတဲ့ ကွန်ပျူတာများကို ဆော့ဖ်ဝဲပရိုဂရမ်တစ်ခုကို အသုံးပြုပြီး သတင်း အချက်အလက်များ ထုတ်လွှင့်ခြင်း ၊ ပေးပို့ခြင်း ၊ ရယူခြင်းများတို့ကို လုပ်ဆောင်ပေးနိုင်တဲ့ အင်တာနက် internet ဆိုတဲ့ စနစ်တစ်ခုပေါ်ပေါက်လာခဲ့ခြင်းဟာ လူ့ဘောင်လောကအတွက် အလွန်ကျေးဇူးများလှပါတယ်။

မူလအစကမူ ရိုးရှင်းလှတဲ့ ကွန်ပျူတာကွန်ယက် ARPANET နဲ့စတင်ခဲ့ခြင်းဖြစ်ပါတယ်။ အခုဆိုရင် အင်တာနက်ဟာ တစ်ကမ္ဘာလုံးရှိ အိမ်များ ၊ စီးပွားရေး လုပ်ငန်းများ ၊ ကျောင်းများ ၊ ရုံးများ ၊ စာကြည့်တိုက်များကို ရောက်ရှိ နေပြီဖြစ်ပါတယ်။

မူလရည်ရွယ်ချက်က ပညာရေးဆိုင်ရာ သုတေသန လုပ်ငန်းများနဲ့ စစ်ဘက်ရေးရာ ကာကွယ်ရေးလုပ်ငန်းများအတွက်သာ အသုံးပြုရန် ်တည်ထောင်ခဲ့ခြင်းဖြစ်ပြီး ဖိုင်လ်များလွှဲပြောင်းခြင်း ၊ e-mail များပို့ခြင်းနဲ USENET လို့ခေါ်တဲ့ Forum မှတဆင့် သတင်း အချက်အလက်များ ပေးပို့ခြင်းတို့ကို လုပ်ဆောင်နိုင်ခဲ့ပါတယ်။

အဲဒီ နောက်မှာ တော့ HTTP (hypertext transfer protocol) တိုးတက် ကျယ်ပြန့် လာမှုကြောင့် စာသား ၊ ရုပ်ပုံ ၊ အသံဖိုင်လ်များကိုပို့ဆောင်နိုင်သော webpages လို့ခေါ်တဲ့ hyperlinked electronic documents မှတဆင့် အင်တာနက်ကို အသုံးပြုသူများက အချင်းချင်း ဖိုင်လ်များကို ပို့ဆောင် ကြပါတယ်။

ရုပ်ပုံ ၊ အသံဖိုင်လ် ၊ ရုပ်ရှင်ကားများကိုပါ ပေးပို့နိုင်ပြီး ကမ္ဘာပေါ်ရှိ လူများ အချင်းချင်း ဆက်သွယ်ရေး ၊ ဖျော်ဖြေရေးအတွက်ပါအသုံးပြုလာကြပါပြီ။ ပညာရပ်ပိုင်းဆိုင်ရာနဲ့ပတ်သက်လို့ သိလိုသမျှကိုလည်း အင်တာနက် စာမျက်နှာပေါ်မှာ ရှာဖွေပြီး လေ့လာနိုင်ပါပြီ။ အင်တာနက်ကို ကောင်းတဲ့ဘက်ကနေ အသုံးချလို့ရသလို အင်တာနက်ကြောင့် စိတ်မူမမှန်တော့တဲ့သူတွေလည်း ရှိပါတယ်။

ငှက်တွေ နေ့စဉ်နေ့တိုင်း သင့်ခေါင်းပေါ်ကနေဖြတ်ပြီး ပျံသန်းနေကြတာကို တားဆီးလို့မရနိုင်ပေမဲ့ သင့်ခေါင်းပေါ်မှာ ငှက်သိုက်လာမဆောက်အောင်တော့ သင် တားမြစ်နိုင်ရပါမယ် ဆိုတဲ့ တရုတ်စကားပုံတစ်ခုလိုပါပဲ။ အင်တာနက်ကတော့ ရှိနေတာပါပဲ။ ရှိနေတဲ့ အင်တာနက်ကနေ မိမိဘဝအတွက် အကျိုးဖြစ်ထွန်းအောင် ယူလို့ရသလို အကျိုးမဲ့အောင်လည်း ယူလို့ရပါတယ်။ အသုံးချပုံပေါ်မူတည်ပြီးတော့ ကောင်းကျိုး၊ ဆိုးကျူးဖြစ်လာနိုင်စေပါတယ်။

ဆိုးကျိုးဖြစ်လာစေတာတွေထဲမှာ စိတ်ကစဉ့်ကလျားဖြစ်ပြီး မူမှန်စိတ်မဟုတ်တော့တာတွေ အနည်းနဲ့အများပါရှိပါတယ်။

၁။ Internet Asperger's Syndrome (The Troll )

ကျောင်းမှာစာတော်ပြီး စိတ်ပုံမှန်နဲ့ ကလေးတစ်ယောက်ဟာ ကီးဘုတ်နဲ့ ကွန်ပျုတာမော်နီတာကို အသုံးပြုပြီး အင်တာနက် chatroom နဲ့ အင်တာနက် စာမျက်နှာများပေါ်မှာ သူတစ်ပါးကို ဆဲဆိုခြင်း၊ ပြင်းပြင်းထန်ထန် မကြားဝံ့မနာသာများကို ပြောဆို (ရေးသား) မှုများကို ပြုလုပ်တာပါ။ အင်တာနက်စာမျက်နှာများပေါ်က ကိုယ့်လိုပဲ community forum မှာအသင်းဝင်ဖြစ်နေတဲ့ တခြားသူများအပေါ် စာနာညှာတာမှုမရှိဘဲ ပုတ်ခတ်ပြောဆိုရေးသားမှုများဖြစ်ပါတယ်။

ပြင်ပမှာတော့ ဒီကိစ္စမျိုးကို Asperger's Syndrome လို့ခေါ်ပါတယ်။ ကိုယ် ပြောဆိုသုံးစွဲလိုက်တဲ့ စကားလုံးတွေကြောင့် တစ်ဘက်သားရဲ့ မျက်နှာ အမူအယာအပြောင်းအလဲ နဲ့ စိတ်ခံစားမှုကို မတွေ့မမြင်ရတဲ့ အင်တာနက်မှာ တစ်ဘက်သားကို စာနာမှုတွေကလည်း ကင်းဝေးကာ ရိုင်းစိုင်းတဲ့ စကားလုံးများနဲ့ ပြောဆိုဆက်ဆံတာပဲဖြစ်ပါတယ်။

လှုမှုဆက်ဆံရေးအဆင်မပြေမှုများ၊ လူအများနဲ့ လိုက်လျောညီထွေ မဆက်ဆံနိုင်သူများ၊ သူတို့ကိုယ်သူတို့ အကျိုးမဲ့သူ၊ အကျိုးမရှိသူလို့ စိတ်ထဲမှာ ထင်မြင်နေသူများဖြစ်တတ်ပါတယ်။

၂။ Low Cyber Self-Esteem (The Guy Who Everyone Hates but Who Never Leaves)

အင်တာနက်ဟာ လူတိုင်းအတွက် မိမိအိမ်လိုပဲသဘောထားစရာဖြစ်လာြပီး online community forum များ၊ chatroomများမှာ လူအများနဲ့ သဟဇာတမဖြစ်တဲ့ လူတစ်ဦးတစ်ယောက် ရှိတတ်ပါတယ်။ လူအများက မနှစ်သက်ကြပေမဲ့လည်း သူကတော့ နေ့စဉ် ပုံမှန် အမြဲ အင်တာနက်မှာ ဝင်ရောက်ပြောဆို ဆွေးနွေးရေးသားဆဲပါ။

ပြင်ပမှာတော့ Attention seeking behavior ဖြစ်ပါတယ်။

လူအများက မနှစ်သက်လို့ မင်း ဝင်မပြောနဲ့လို့ ပြောလိုက်တာကိုပဲ သူက ပျော်ရွှင်ပါတယ်။ သူ့ကို ဂရုစိုက်တယ်လို့ ထင်ပါတယ်။ သူ ရှိနေတယ်ဆိုတာကို အသိအမှတ်ပြုခြင်းခံရလို့ သူ့စိတ် ပျော်ရွှင်ပြီး ဆက်လက်ပါဝင်ရေးသားပြောဆိုနေခြင်းဖြစ်ပါတယ်။

၃။ Online Obsessive-Compulsive Personality Disorder ( The Grammar Nazi)

အင်တာနက်ပေါ်မှာ စာပေါင်းများစွာရေးသော်လည်း စာလုံးပေါင်း သတ်ပုံ၊ သဒ္ဒါနဲ့ ဝါကျဖွဲ့စည်းပုံ မှန်ကန်ချင်မှ မှန်ကန်ပါမယ်။ အင်တာနက်ဆိုတာ စာအရေးအသားနဲ့ သဒ္ဒါကို ဂရုပြုစရာမလိုဘူးဆိုတဲ့ အကြောင်းပြချက်နဲ့ ရေးချင်သလိုရေးပါတယ်။

အခြားသူတစ်ဦးတစ်ယောက်ရေးထားတဲ့ စာတစ်ပုဒ်ဟာ သပ်ရပ်မှန်ကန်နေတယ်ဆိုရင် မိမိစိတ်မှာ စိတ်ရှုပ်ထွေးမှုတွေဖြစ်လာတဲ့ စိတ်သဘောပါ။

၄။ Munchausen by Internet ( The Sob Story Teller)

အင်တာနက်ပေါ်မှာ တကယ့်ကို အပြစ်ကင်းပြီး (နုံအ လှပြီး) အမြဲတမ်း ဝမ်းနည်းကြေကွဲစရာအဖြစ်တွေ ရှိနေသူပါ။ သူ့ဆီမှာ တစ်နေ့တစ်မျိုး ဝမ်းနည်းစရာအဖြစ်တွေ ၊ သူ့ကို သနားစရာအဖြစ်တွေ တစ်မျိုးပြီးတစ်မျိုး မရိုးရအောင် ရှိနေပါတယ်။ သနားကြင်နာမှုများနဲ့ သူ့ကို နွေးထွေးစွာ ကြောင်ပေါက်စပုံလေးများ ပို့ပေးခြင်း ၊ ပန်းစည်းပုံများပို့ပေးခြင်းစသည်ဖြင့် အားပေးစကားများပြောကြားပါတယ်။

များမကြာမီမှာပဲ သူ့ဆီက သူ့အချစ်ဆုံးသူငယ်ချင်း ကွယ်လွန်သွားခြင်း (သို့မဟုတ်) သူ့မိဘ တစ်ဦးဦးကွယ်လွန်သွားခြင်း စတဲ့ ဝမ်းနည်းဖွယ် ဇာတ်လမ်းများ ထပ်ကြားရပါဦးမယ်။ သူ နေမကောင်းဘူးလို့ဆိုတာလည်း ကြားပါမယ်။ တကယ်လို့များ သင်က သူ ဟန်ဆောင်နေတာလို့ သံသယဖြစ်ပြီး စုံစမ်းမိတဲ့ခါ တကယ်ဖြစ်နေတာတွေ့ရှိရရင် သင့်ကိုယ်သင် နောင်တရပါဦးမယ်။

ပြင်ပမှာတော့ Munchausen Syndrome လို့ခေါ်ပါတယ်။ သူ့စိတ်ထဲမှာ ဒီဝမ်းနည်းကြေကွဲဖွယ်တွေကို ခံစားလာရတာ အချိန်ကြာမြင့်လာပြီးနောက် အခြားသူများရဲ့ သနားကြင်နာမှုကို ရရှိလိုတဲ့အတွက် ဂရုစိုက်ခံလိုခြင်းပဲ ဖြစ်ပါတယ်။

၅။ Low Forum Frustration Tolerance ( The Frantic Browser Reloader)

ခေါင်းစဉ်အသစ်၊ စိတ်ဝင်စားစရာကောင်းတဲ့ စာတစ်ပုဒ်ကို သပ်ရပ်ကောင်းမွန်စွာ ရေးသားလိုက်ပြီး forum post မှာတင်လိုက်ပါတယ်။ အဲဒီနောက်မှာတော့ ကိုယ့် post အပေါ်မှာ အခြားသူများရဲ့ ထင်မြင်ချက်များကို စောင့်ကြည့်ပါတယ်။ ၅စက္ကန့် တစ်ခါလောက် F5 ကိုနှိပ်ပြီး page ကို refresh လုပ်ပြီး ကိုယ့်စာအပေါ်မှာ comment ရှိ၊ မရှိ စောင့်ကြည့်ပါတယ်။

မည်သူတစ်ဦးတစ်ယောက်ကမျှ comment ရေးသားခြင်း မရှိသေးဘူးဆိုရင် ဘယ်လိုလဲ...ဘယ်သူမှ မရှိကြဘူးလား။ ဘယ်သူမှ ထင်မြင်ချက်မပေးနိုင်ကြဘူးလားလို့ စိတ်မရှည်ဒေါသဖြစ်လာသူပါ။

ပြင်ပမှာတော့ Low Frustration Tolerance လို့ခေါ်ပါတယ်။ ၇ နှစ်သားအရွယ် ကလေးတစ်ယောက်က ကစားစရာ ကားရုပ်ကလေးကို လိုချင်လို့ အော်ဟစ်နေတာနဲ့ ဥပမာပြပါတယ်။ လက်ရှိအခြေအနေကို မကျေနပ်၊ စိတ်မရှည်သူပါ။

ချက်ချင်းတုံ့ပြန်ချီးမွမ်းမှုကို လိုချင်တဲ့ သည်းမခံတတ်သူများပါ။

၆။ Online Intermittent Explosive Disorder ( The Thin-Skinned Rage-o-holic)

အင်တာနက် စာမျက်နှာပေါ်မှာ အသေးအဖွဲကိစ္စလေးကို ဒေါသတကြီး ဖြစ်တာပါ။ ဟမ်ဘာဂါဆိုင်က မိမိဝယ်တဲ့ အိတ်ထဲမှာ အာလူးကြော်ကို ထည့်ပေးလိုက်ဖို့ မေ့သွားတာကို မိမိတစ်အိမ်လုံး အသတ်ခံရလို့ စိတ်ခံစားမှုဖြစ်သလိုမျိုး အင်တာနက်ပေါ်မှာ ရေးတာမျိုးပါ။

ပြင်ပမှာတော့ Intermittent Explosive Disorder လို့ခေါ်ပါတယ်။

ပြင်ပမှာ အခြားသူများကို စိတ်ဆိုးဒေါသဖြစ်တဲ့အခါမှာ အော်ဟစ်ပြောဆိုလိုက်ဖို့ကို ကြောက်ရွံ့တဲ့စိတ်ဟာ အင်တာနက်ပေါ်မှာ ပေါက်ကွဲထွက်တာမျိုးပါ။ ထူးဆန်းတာကတော့ keyboard မှာ Caps Lock ကိုဖွင့်ထားပြီး စာလုံးအကြီးများနဲ့ မော်နီတာပေါ်မှာ ရေးသားကာ စိတ်တိုဒေါသကြီးနေသူကတော့ ရုံးခန်းထဲက အလုပ်စားပွဲမှာ အေးအေးသက်သာ ကော်ဖီသောက်ရင်း၊ ဘေးနားက လုပ်ဖော်ကိုင်ဖက်နဲ့ အေးအေးဆေးဆေး စကားပြောနေရင်း ရေးသားနေတာ ဖြစ်တတ်ပါတယ်။

အင်တာနက်ဟာ အံ့သြစရာကောင်းလောက်အောင် အကျိုးကျေးဇူးများသလို အံ့သြစရာကောင်းတဲ့ လူတွေအဖြစ်ကိုလည်း ရောက်ရှိသွားစေနိုင်ပါတယ်။

(ကိုးကား ။ Jonathan Kimak ၏ 6 new personality disorders caused by the Internet )

http://www.cracked.com/article_17522_6-new-personality-disorders-caused-by-internet.html

 

                                        

                                                                                                                    ဟနစံ

                                                                                        ၂ရက်၊ ဖေဖော်ဝါရီလ၊ ၂၀၁၁ ခုနှစ်။